Мінскі гадзіннікавы завод «Луч» адкрыў перадзамову на калекцыю гадзіннікаў «Мова-2024», якая прысвечана Міжнароднаму дню роднай мовы.
Гэтым разам брэнд выпусціў лiмiтаваную серыю гадзіннікаў у рамках калекцыі «Мова». Першапачатковыя мадэлі 2019 года былі прысвечаны гукам [дз’] і [дж]. Зараз на цыферблатах можна пабачыць склады «жы» і «шы».
Цыферблат выкананы з мельхіёру з матавым пакрыццём. На заднім вечку гадзінніка размешчаны стылізаваны ўзор беларускай вышыўкі. Нумарацыя гадзін выканана пропіссю, падтрымліваючы тэматыку «мовы». У гадзінніках усталяваны славуты механізм Луч 1801.1Н — механіка. Цыферблат абараняе трывалае сапфіравае шкло. Корпус выкананы з нержавеючай сталі, папружка — з натуральнай скуры.
Перадзаказ лімітаванай серыі гадзіннікаў у рознічных магазінах стартаваў учора, а з 23 лютага заказаць навінкі можна будзе ў інтэрнэт-магазіне. Кошт: 499 руб.
Обсуждаем эту и другие новости в нашем Telegram-канале