Историческая справка от Александра Белого.
Гэтая катэгорыя страваў у нашай кухні цяпер амаль зусім звялася. А некалі ж класічных еўрапейскіх амлетаў на нашых землях, бадай, не гатавалі, галоўнымі стравамі з яек былі вось гэтыя — грыбкі і драчоны. Гэта амаль адно і тое ж, але драчона — больш характэрная для Русі, а грыбок — для Літвы. Штосьці сярэдняе паміж амлетам і блінамі — і на смак, і на выгляд. Яшчэ некаторыя стравы з гэтай катэгорыі чымсьці падобныя да італьянскай фрытаты (frittata, амлет з начынкай). Прынамсі, калі вы хочаце паэксперыментаваць з цалкам сучаснай, але з традыцыйнымі тутэйшымі начынкамі фрытатай, дык я б раіў яе назваць па традыцыі грыбком. Рэцэпты традыцыйных літоўскіх грыбкоў можна знайсці ў “Кухарцы літоўскай” Вінцэнтыны Завадскай, а таксама ў настальгічных нататках эмігрантаў — “крэсавякаў” і іх нашчадкаў.
Некалі грыбкі спажывалі не так як самастойную страву, як кроілі іх на невялічкія кавалкі і елі як закуску да супоў (полівак).
Блізкі да грыбкоў тып стравы — драчона. У ёй, бадай, прапорцыя мукі і яек больш ссунутая ў бок мукі, а часам заміж мукі можа ўжывацца і таркаваная бульба, што радніць гэты від драчоны са звыклымі дранікамі.
Але, вядома, такая драчона ўжо досыць далёкая ад грыбка і тым болей ад амлету або фрытаты. Шмат увагі беларускай драчоне аддаў вядомы кулінарны пісьменнік В. Пахлёбкін, і хаця часам ягоныя меркаванні пра беларускую кухню вельмі спрэчныя, ягоным штудыям драчоны можна ў цэлым давяраць. Дык вось, сапраўдную беларускую драчону, паводле Пахлёбкіна, робяць з жытняй мукі (часам з дадаткам ячменнай, пшанічнай або грачанай) і з асаблівага цеста — “уторнага”, г.зн. такога, якое не цалкам падышло, а толькі трохі закісла – але без дражджэй. Калі “ўторнай кіслаты” бракуе і цеста закісае марудна, можна дадаць у яго трохі квасу або малочнай сыроваткі. Драчоны, як і грыбкі, запякаюць на вельмі слабым агні — у ідэале на лёгкім духу рускай печкі. Але можна на патэльні ў духоўцы або нават на паверхні пліты.
Рецепт грибка от Павла Голенкова, члена Гильдии шеф-поваров Беларуси и Украины.
Ингредиенты:
1,5 стакана пшеничной муки
4 яйца
1,5 ложки топлёного сливочного масла
Соль, немного масла для сковороды
В процессе:
Взбить вместе молоко, муку и топлёное масло. Разогреть сковороду, смазать маслом и налить приготовленное тесто. Поставить в духовку на 12 минут при 180 С. За 2 минуты до готовности смазать грибок сливочным маслом.
Подать вместе с жареной грудинкой и свежими овощами.
